الرجل الذ تقع منه ساعة يده في التواليت سيقضي يوما زي ال؟؟؟ زفت بينما الغضب هو خطأ تقني يجعلك تحرك لسانك اسرع من تفكيرك واذا كان الطائر الي بيصحي بدري هو الي بيلحق الدود قبل غيره سنجد ان الفار الذي يصحي متاخرا هو الي بيعرف المصيدة محطوطة فين ولذلك انا مش عايز احب تاني لان كل مرة بحب فيها الحب مش بيخلص بس ده ما يمنعش ان الجون بيجيبه لعيب بس البطولة بيجيبها فريق وعشان كده بسال ليه بيحطوا تحت الكراسي في الطيارات عوامات مش براشوتات لانه بصراحة من كتر الحاجات الي الواحد سمعها عن اخطار التدخين بطل قراية ولو ما كانوش اخترعوا الكهربا كان زمانا الوقتي بنتفرج علي التليفزيون علي اضواء الشموع وليه احنا بندفع معونة الشتا في الصيف والحديدة الي في اخر رباط الجزمة اسمها ايه وليه الفقر لازم يكون مدقع والثراء لازم يكون فاحش والتمثيل لازم يكون مشرف والظلام لازم يكون دامس وايه المشكلة لما يختلط الحابل بالنابل ولو كان الي ما بيقدرش يشوف اعمي والي مش بيتكلم اخرص طيب الي مش بيشم يبقي ايه ؟ وهو الحمار الوحشي ابيض مخطط باسود ولا اسود مخطط بابيض ولو حاولت تسقط في الامتحان لاي سبب ولقيت نفسك ناجح ي اخر السنة تعتبر نفسك نجحت ولا فشلت وليه برضه انا كاتب الكلام ده ؟ 

مطلوب الاجابة عن جميع الاسئلة ولكل سؤال اجابة واحدة فقط ولا يحتمل اكثر من ذلك ؟

كان ذلك نقلا عن المبدع الرائع / عمر طاهر مع التعديل و الاضافة البسيطة جدا جدا

فياليتني كنت ان اكتب مثله او شبيهه ولكنني فقط اكتفي ان اعيشه بكل معانيه وبكامل عنفوانه 

ولكنها الايام تفعل ما تشاء وصحتك في العلبة دي

عام سعيد مضي وعام قادم اسعد

اعوام مضت واعوام اتت